ADI research

October 5th, 2009

For di Oficina principal di Alzheimer Disease Internacional (ADI) F.A.A. ta compronde cu tin noticia importante na caminda.

E noticia aki ta trata di e grupo di trabou di miembronan di ADI cu a traha e utimo añanan conhuntamente cu investigadornan scientifico, conoci como: “10/66 Dementia Research Group”, lidera pa profesor dr. Martin Prince.

E rapport di e grupo aki ta demonstra cu e ultimo cifranan di prevalencia global di e cantidad di personanan cu ta sufriendo di e malesa di demencia tipo Alzheimer ta mas halto cu e estudionan a raporta anteriormente – E cifranan aki ta debi principalmente na datonan recien obteni di paisnan di ingreso abou y mediano.

E investigacion global aki ta duna informacion tocante e impacto y e costo di e malesa di demencianan tipo Alzheimer y ta contene un capitulo di e politica y maneho relaciona cu solucionan, cu por ser utilisa tanto den paisnan di ingreso mas halto y esnan di ingreso minimo mundialmente. Por ultimo, e rapport aki ta inclui un comparacion breve di algun plan nacional di demencia.

E rapport completo (aproximadamente 100 pagina) lo ser lansa tambe den un version mas cortico (aproximadamente 20 pagina). E version completo ta inclui tur splicacion sientifico y asuntonan mas a fondo di e investigacion mes. E version mas cortico ta mas facil pa lesa y compronde, asina mes e ultimo aki ainda ta consisti di un monton di dato, tabla y graficos.

Ta wordu premira cu e documento aki ta bai ta esun mas utilisa. Awor aki esfuersonan ta ser hasi riba e tereno di traduccion di esaki, pa ser traduci den diferente otro idiomanan y di parti di F.A.A. tambe na Papiamento.

E documento aki ta wordo publica riba Dia Mundial di Alzheimer, esta dia 21 di september 2009.

Alzheimer Disease Internacional y Alzheimer’s Association ta trahando na e momentonan aki pa subministra e noticia extraordinario aki, pa tur medionan di comunicacion y tambe lo organisa entrevistanan cu medionan di comunicacion na nivel internacional.

Riba dia 21 di September proximo Fundacion Alzheimer Aruba lo tene medionanan di comunicacion al tanto di e resultadonan recien aki den un conferencia di prensa.

zp8497586rq