Teal Ribbon Week

October 5th, 2009

Proyecto  piloto “Cama Sigur'.

Sr. J.P. Visser di ‘J. P. Visser Orthopedic Technical Center’ y Staff a ricibi e conferencia di Prensa riba ‘Dia Internacional di Alzheimer’ y ‘Dia Internacional di Paz’ na su centro moderno na Paradera.

Den e conferencia di prensa aki F.A.A. a lansa e ‘idea’ di e proyecto aki y a duna un ehempel di e idea na prensa. Conhuntamente cu Sra. Enid de Lannoy di ‘Casa de Lannoy. Na su turno e ideanan util di entreotro experto sr. J.P. Visser lo contribui na un desaroyo optimal di e proyecto aki. E meta di e proyecto aki ta pa yega na un solucion pa e practica inhumano di maramento na cama di personanan cu demencia tipo Alzheimer.

Proyecto Piloto “Alzheimer Social Club”

E proyecto aki, ta uno di suma importancia pa e cuidadornan y e persona cu e malesa demencia tipo Alzheimer. E Alzheimer Social Club / Alzheimer Club Social ta un proyecto deriva di e proyecto conosi na Europa como “Alzheimer café”.

E inicio di e proyecto aki a cuminsa 4 aña pasa. F.A.A. a evalua cu varios fundacionnan di Alzheimer den exterior tocante e forma di nan proyectonan di e indole aki y a yega na e conclusion di adapta esaki na e cultura Arubano.

Meta: Duna oportunidad na e cuidadornan y e persona cu demencia tipo Alzheimer pa topa otronan cu tambe tin e mes condicion pa comparti esaki y haja apoyo pa sigi cuida e persona cu demencia. E “Alzheimer Social Club” ta ser teni den un ambiente agradabel, y cada actividad ta diferente, unda un of mas profesional ta dirigi palabra y trata preocupacionan  y preguntanan cu por surgi. Cada encuentro ta trata diferente topico tocante e aspecto di demencia y su consequensianan pa e cuidador y e persona mes cu ta padeciendo di demencia tipo Alzheimer. Durante di e encuentronan aki tambe lo pasa video informativo y popular cu posibilidad di combersa despues di esaki.

Logistica:

E actividadnan aki ta tuma luga 1 biaha pa luna  di 19:00- 21:00. E  encuentro aki ta tuma luga tur ultimo diahuebs di luna.

Un jamada ta ser haci na tur esnan cu ta interesa di participa den e ecuentro aki pa tuma contacto cu Fundacion Alzheimer Aruba.

Media y downloads

Potret (album)

Proyecto cama sigur (PDF)

World Alzheimer Report (PDF)

zp8497586rq