“El Alzheimer en Iberoamerica”

Recientemente, durante e Congreso na Quito, Ecuador, e buki “El Alzheimer en Iberoamerica” a ser publica pa AIB.

E buki aki tin como meta provoca su lectornan pa reflexiona y cuestiona loke ta e problematica rondo e Trastornonan Neurocognitivo (antes jama ‘De-mencia’). Aki e lector por haja un bista di trabounan cu esnan dedica na e condicionan aki ta desplega diariamente y asina contribui na esnan afecta, pa por tin un bida digno di biba, a pesar di e sufrimento causa pa e condicionan aki.

E buki aki ta trata di un recopilación organiza pa Dr. Raúl Gutierrez Herrera y Dra. Ninoska Ocampo Barba, kendenan a colabora hunto y haci posibel cu cada  asociacion miembro por contribui na ilumina un parti di e escenario social cu nos tur ta bibando aden.

Nos científiconan ta reafirma cu Trastornonan Neurocognitivo ta un epidemia cu ta sigi forma un gran desafío pa Salud Publico den e añanan nos dilanti.

Tin hopi trabou di haci. Segun nos e oportunidadnan cu tin nos dilanti ta unicamente pa duna contestanan creativo y laga conclusionan pa  e lector comparti.

Pa por Download e buki: “El Alzheimer en Iberoamerica” por Click aki–> http://bit.ly/2CuoGdK